Articles by "Andhra Vantalu in Telugu"
Andhra Vantalu in Telugu లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి
మినుములు: కప్పు, పెసలు: అరకప్పు, రాజ్మా: అరకప్పు, బొబ్బర్లు: అరకప్పు, జొన్నలు: అరకప్పు, సెనగలు: అరకప్పు, రాగులు: అరకప్పు, సజ్జలు: అరకప్పు, ఉప్పు: తగినంత, పెరుగు: లీటరు, పచ్చిమిర్చి, అల్లంముద్ద: 3 టేబుల్‌స్పూన్లు, కొత్తిమీర తురుము: కప్పు, జీలకర్ర: టేబుల్‌స్పూను

తాలింపుకోసం:
మినప్పప్పు: టీస్పూను, పచ్చిసెనగపప్పు: టీస్పూను, ఎండుమిర్చి: 5, జీలకర్ర: టీస్పూను, కరివేపాకు: 2 రెబ్బలు, ఆవాలు: టీస్పూను

తయారుచేసే విధానం :
బాణలిలో కొద్దిగా నూనె వేసి దినుసులన్నీ వేసి తాలింపు చేసి పెరుగులో కలపాలి. తరవాత ఉప్పు కూడా కలపాలి. మినుములు, పెసలు, సెనగలు, రాజ్మా, సజ్జలు, బొబ్బర్లు, జొన్నలు, రాగులు... అన్నీ ఆరుగంటలముందే నానబెట్టుకోవాలి. నానబెట్టిన నీళ్లను వంపేసి గారెల పిండిలా మెత్తగా గట్టిగా రుబ్బాలి. ఇందులో సరిపడా ఉప్పు, అల్లం, పచ్చిమిర్చి ముద్ద, జీలకర్ర, కొత్తిమీర తురుము వేసి కలపాలి.
బాణలిలో నూనె పోసి కాగాక వడల్లా చేసి వేయించాలి. తీసిన వెంటనే పెరుగులో వేస్తే మల్టీగ్రెయిన్‌ దహీ వడలు రెడీ.
Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి

కొత్తిమీర - రెండుకప్పులు
పచ్చిమిర్చి - 6
చింతపండు - నిమ్మకాయంత
ఉప్పు - తగినంత
పసుపు - చిటికెడు
ఇంగువ - చిటికెడు
నూనె - రెండు టేబుల్ స్పూన్లు

తయారి: 

కొత్తిమీరను శుభ్రంగా కడగాలి మిక్సీలో కొత్తిమీర, పచ్చిమిర్చి, ఇంగువ, చింతపండు, పసుపు, ఉప్పు వేసి మెత్తగా చేయాలి. (అవసరమనుకుంటే నీరు జత చేయాలి) పచ్చడిని గిన్నెలోకి తీసుకుని కొద్దిగా నూనె వేసి కలపాలి.

Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి

దోసకాయ - మీడియం సైజుది ఒకటి
పచ్చిమిర్చి - 6
చింతపండు - కొద్దిగా
ఉప్పు - తగినంత
పసుపు - చిటికెడు
ఇంగువ - చిటికెడు
నూనె - రెండు టేబుల్ స్పూన్లు
కొత్తిమీర - చిన్న కట్ట

తయారి

దోసకాయ చెక్కు తీసి, గింజలు వేరుచేసి, చిన్నచిన్న ముక్కలుగా తరగాలి. మిక్సీలో పచ్చిమిర్చి, చింతపండు, ఉప్పు, కొన్ని దోసకాయముక్కలు వేసి కచ్చాపచ్చాగా చేయాలి.  ఒక గిన్నెలో దోసకాయ ముక్కలు, మెత్తగా చేసిన దోసకాయల మిశ్రమం, పసుపు, ఇంగువ, నూనె వేసి బాగా కలిపి, అరగంట సేపు ఊరనివ్వాలి.  కొత్తిమీరతో గార్నిష్ చేసి, వేడివేడి అన్నంలోకి సర్వ్ చేయాలి.

Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి: 

ఖర్జూరాలు,
ఎండుకొబ్బరి,
పుచ్చకాయ గింజలు,
కర్బూజా గింజలు,
పిస్తా, జీడిపప్పు, బాదంపప్పు... మొత్తం కలిపి అరకేజీఉండాలి.  (నచ్చిన ఏ గింజలనైనా వాడుకోవచ్చు) ,
బెల్లం - అరకేజీ,
పటికబె ల్లం - మూడు టేబుల్ స్పూన్లు,
ఏలకుల పొడి - అర టీ స్పూను;
నెయ్యి - టేబుల్ స్పూను.

తయారి:


  • డ్రై ఫ్రూట్స్ అన్నిటినీ చిన్న చిన్న ముక్కలుగా కట్ చేసుకోవాలి. (పొడిలా అయిపోకూడదు)
  • ఖర్జూరాలను కుడా బాగా సన్నగా కట్ చేయాలి.
  • మందపాటి పాత్రను స్టౌ మీద ఉంచి, అందులో రెండు టేబుల్ స్పూన్ల నెయ్యి వేసి కరిగాక, మంట తగ్గించి, డ్రైఫ్రూట్స్ వేసి వేయించాలి. 
  • ఖర్జూరం తరుగు, ఏలకుల పొడి, పటిక బెల్లం వేసి వేయించి బాగా కలిశాకపక్కన ఉంచుకోవాలి. 
  • బెల్లం తురుము, రెండు టేబుల్ స్పూన్ల నీరు ఒక పాత్రలో వేసి బెల్లాన్ని కరిగించి వడబోస్తే, తుక్కు బయటకు పోతుంది. ఈ మిశ్రమానికి టేబుల్ స్పూన్ నెయ్యి జతచేయాలి. ఉండ పాకం వచ్చే వరకు ఉంచాలి; 
  • పటిక బెల్లం జత చేయాలి; ఫ ఈ మిశ్రమాన్ని డ్రైఫ్రూట్స్ మీద పోసి బాగా కలిపి మరో మారు స్టౌ మీద ఉంచి కాసేపు ఉడికించాలి; 
కిందకు దించి ఉండలు చేసుకుంటే డ్రైఫ్రూట్ లడ్డూ రెడీ...

Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates

కావలసినవి

బంగాళాదుంపలు - 4
పంచదార - 100గ్రా
యాలకులు - 4
పాలకోవా - ఒక కప్పు
నెయ్యి - 100గ్రా.
పచ్చకర్పూరం - కొద్దిగా
తయారుచేసే విధానం
బంగాళాదుంపలు కడిగి నీళ్లు పోసి ఉడికించుకోవాలి. బాగా మెత్తగా ఉడికిన తరువాత తొక్కలు వొలిచి మెత్తగా రుబ్బాలి. ఈ రుబ్బిన ముద్దను ఒక గరిటె నెయ్యి వేసి వేయించుకోవాలి. పాలకోవాను ముందుగా తయారుచేసుకోవాలి. వేయించిన దుంపల ముద్దలో పాలకోవా వేసి కలిపి ఉంచుకోవాలి. ఒక గిన్నెలో పంచదార వేసి, నీళ్లు కొద్దిగా పోసి తీగపాకం వచ్చే వరకు స్టవ్ మీద ఉంచి, తరువాత రెండూ కలిపి ఉంచుకున్న ముద్దను ఆ పాకంలో వేసి బాగా కలుపుకోవాలి. ఇప్పుడు మిగిలిన నెయ్యి కూడా వేసి బాగా కలిపి, యాలకుల పొడి, పచ్చకర్పూరం కూడా వేసి బాగా కలపాలి. మూత ఉంచి అరగంట తరువాత తియ్యాలి. ఇది చాలా బాగుంటుంది. వెరైటీగా కూడా ఉంటుంది


Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి : 
మొక్కజొన్న గింజలు - రెండు కప్పులు, నీళ్లు - రెండు కప్పులు, బొంబయి రవ్వ - ఒకటిన్నర కప్పు, చెక్కర - రెండు కప్పులు, నెయ్యి - పావుకప్పు, యాలకులపొడి - చెంచా. వేయించిన జీడిపప్పు, బదం పప్పులు - కొన్ని. 
తయారీ : 
కొబ్బరిపాలు తీసుకున్న్లుట్లే మొక్కజొన్న పాలను తయారుచేసుకోవాలి. దీని కోసం మొక్కజొన్న గింజల్లో నీళ్లు పోసి మిక్సీలో వేసి మిక్స్ చేయలి. అలా వచ్చిన పాలను వడకడుతూ మూడు కప్పులు వచ్చేవరకూ తీసుకోవాలి. ఇప్పుడు బణలిలో చెంచా నెయ్యి వేసి వేడిచేసి బొంబయిరవ్వను వేయించుకోవాలి. మరో పొయ్యిమీద అడుగు మందంగా ఉన్న గిన్నెలో మొక్కజొన్న పాలను తీసుకుని వేడిచేయాలి. మంట తగ్గించి మధ్యమధ్య కలుపుతూ ఉండాలి. లేదంటే పాలు విరిగిపోతాయి. అదే సమయంలో మొక్కజొన్నలోని పిండిపదార్థం అడుగుకు చేరి ఉండకట్టేస్తుంది. అందుకే పాలను జాగ్రత్తగా మరగనివాలి. తర్వాత అందులో బొంబయిరవ్వ వేయాలి. అది మూడువంతులు ఉడికాక చెక్కర వేయాలి. చెక్కర కరిగి హల్వ తయారయ్యే సమయంలో మధ్యమధ్య నెయ్యి వేసుకుంటూ ఉండాలి. హల్వ పూర్తిగా తయారయ్యాక యాలకులపొడీ, జీడిపప్పూ, బదం వేసుకుని మరోసారి కలిపి దింపేయాలి.


Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి :

సగ్గుబియ్యం - అర కేజీ; టొమాటోలు - 200 గ్రా; నీళ్లు - 6 కప్పులు;  కారం - 2 టీ స్పూన్లు; ఉప్పు – తగినంత

తయారీ 


  •  టొమాటోలను శుభ్రంగా కడిగి వేడి నీళ్లలో సుమారు పావు గంటసేపు ఉడికించాలి 
  • చల్లారాక పైన తొక్కు తీసి ప్యూరీలా చేసి పక్కన ఉంచాలి 
  •  సగ్గుబియ్యాన్ని సుమారు పావుగంటసేపు నానబెట్టి నీళ్లు ఒంపేయాలి
  • ఒక పాత్రలో సగ్గుబియ్యం, ఆరు కప్పుల నీళ్లు పోసి కుకర్లో ఉంచి ఐదు విజిల్స్ వచ్చాక దింపేయాలి సగ్గుబియ్యం చల్లారాక, టొమాటో ప్యూరీ, ఉప్పు, కారం వేసి బాగా కలపాలి 
  • ఎండలో ప్లాస్టిక్ కవర్ మీద, ఉడికించుకున్న సగ్గుబియ్యం మిశ్రమాన్ని స్పూన్తో తీసుకుని వడియా లుగా పెట్టాలి 
  • కొద్దిగా ఎండాక ప్లాస్టిక్ కవర్ నుంచి వేరు చేసి పళ్లెంలో నాలుగైదు రోజులు ఎండబెట్టి, డబ్బాలో నిల్వ చేసుకోవాలి.


Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి : 
పచ్చి మిర్చి - కేజీ (బజ్జీమిర్చి వాడాలి)
పుల్ల పెరుగు - 2 లీటర్లు
ఉప్పు – తగినంత
పసుపు – కొద్దిగా
ఇంగువ - టీ స్పూను

తయారీ

  • పచ్చి మిర్చిని నిలువుగా ఒక వైపు కట్ చేయాలి 
  • పుల్ల పెరుగులో ఉప్పు, పసుపు, ఇంగువ వేసి కలపాలి 
  • పచ్చిమిర్చిని అందులో వేసి ఒక రోజంతా ఉంచాలి 
  • మరుసటి రోజు పెరుగులో నుంచి మిర్చిని బయటకు తీసి ప్లాస్టిక్ కవర్ మీద ఎండలో ఉంచాలి 
  • పెరుగును కూడా ఎండబెట్టాలి
  • సాయంత్రం మిర్చిని పెరుగులో నానబెట్టాలి
  • మరుసటి రోజు మళ్లీ ముందులాగే ఎండబెట్టాలి 
  • ఇలా సుమారు ఐదు రోజులయ్యాక ఇంక పెరుగులో వేయకుండా కేవలం మిర్చి మాత్రమే ఎండబెట్టాలి 
  • పూర్తిగా ఎండిన తర్వాత డబ్బాలో నిల్వచేసుకోవాలి 

వీటిని వేయించు కుంటే, మామిడికాయ పప్పులోకి రుచిగా ఉంటాయి.

Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి : 
ఉసిరికాయలు- 10; బియ్యం - అర కేజీ; పసుపు - అర టీ స్పూను; ఇంగువ- చిటికెడు; ఉప్పు - తగినంత; నూనె - తగినంత; నువ్వులపొడి - 2 టీ స్పూన్లు; జీడిపప్పు- 10; పచ్చిమిర్చి- 4; ఎండు మిర్చి - 5; కరివేపాకు – 2 రెమ్మలు; కొత్తిమీర కట్ట - చిన్నది; శనగపప్పు - టేబుల్‌ స్పూను; మినప్పప్పు - టేబుల్‌ స్పూను; ఆవాలు- టీ స్పూను
తయారి : 
ముందుగా అన్నం వండుకుని పెద్ద పాత్రలో ఆరబెట్టాలి. ఉసిరికాయలను చిన్న ముక్కలుగా తరిగి అందులో ఉప్పు వేసి ఉంచి, కొద్దిసేపయ్యాక దంచాలి. (ఉసిరికాయలు మరీ పెద్దగా ఉంటే తురుముకోవచ్చు). పాన్‌లో నూనె వేసి కాగాక పసుపు, ఎండుమిర్చి, శనగపప్పు, మినప్పప్పు, ఆవాలు వేసి రెండు నిముషాలు వేయించాలి. అందులోనే పచ్చిమిర్చి, నువ్వులపొడి, కరివేపాకు, జీడిపప్పు, దంచిన లేదా తురిమిన ఉసిరికాయ ముద్ద వేసి దోరగా వేయించాలి. రెండు మూడు నిముషాలు మీడియం మంట మీద ఉంచి వేయించి, దించేయాలి. కొద్దిగా చల్లారిన తర్వాత అన్నంలో కలపాలి.

Ingredients :
Amla - 10 ; Rice - half a kg ; Turmeric powder - half a teaspoon ; Asafoetida - pinch ; Salt - to taste ; Oil - to fry ; Sesame powder - 2 tea spoons ; Cashew nuts - 10 ; Green chillies - 4 ; Dried chilli - 5 ; Curry leaves - 2 strings ; Coriander bundle - small ; Peanut seeds - Table spoon ; Urad - Table spoon ; Mustard - dealers
Preparation :

Boil the rice and take it to a dry container. Choop amla into small peices and add salt to it. Take a pan, add some oil after heating the pan add turmeric, dried chilli, peanut dal, Urad dal, mustard seeds and fry for two minutes. After two minutes add Green chillies, Sesame powder, curry leaves, cashew nuts, pounded and grated amla paste and fry till golden brown color.  Hold for two to three minutes on medium flame and mix  with rice.
Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates


కావలసినవి :
 బియ్యప్పిండి-50 గ్రా., కారం - టీ స్పూను, చాట్‌మసాలా- అర టీ స్పూను, సేవ్‌ - పావు కప్పు, క్యారట్‌ తురుము - 3 టీ స్పూన్లు, ఉల్లితరుగు- అర కప్పు, పెరుగు - అర కప్పు, కొత్తిమీర- కొద్దిగా, ఉప్పు –తగినంత

తయారి :
  ఒక పాత్రలో బియ్యప్పిండి, అర టీ స్పూను కారం, ఉప్పు, తగినంత నీరు పోసి చపాతీపిండిలా కలపాలి.  కొద్దిగా పిండిని చేతిలోకి తీసుకుని చేగోడీలాగ చేయాలి. అలా మొత్తం పిండితో తయారుచేసుకోవాలి. వీటిని ఆవిరి మీద ఉడికించి, బయటకు తీసి ఒక వెడల్పాటి పాత్రలో ఉంచాలి. ఉల్లితరుగు, క్యారట్‌ తురుము, కారం, చాట్‌ మసాలా, ఉప్పు, పెరుగు వేసి బాగా కలపాలి. చివరగా సేవ్‌, కొత్తిమీరలతో గార్నిష్‌ చేయాలి.
Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి :
 కొద్దిగా పుల్లగా ఉన్న పెరుగు - రెండు కప్పులు(బాగా చిలకాలి), శనగపిండి - 2 టీ స్పూన్లు, కొబ్బరి తురుము - టీ స్పూను, అల్లం వెల్లుల్లి పేస్ట్‌ - టీ స్పూను, కొత్తిమీర తరుగు - రెండు టీ స్పూన్లు, పసుపు- అర టీ స్పూను, పకోడీల కోసం: శనగపిండి -పావు కప్పు, పచ్చిమిర్చి తరుగు - అర టీ స్పూను, కొత్తిమీర- చిన్న కట్ట, తినే సోడా - చిటికెడు, పసుపు- కొద్దిగా, ఉప్పు - తగినంత, నూనె - డీప్‌ ఫ్రైకి సరిపడా, పోపు కోసం: నూనె - 2 టేబుల్‌ స్పూన్లు, ఎండుమిర్చి - 1 (కట్‌ చేయాలి), జీలకర్ర- అర టీ స్పూను, ఆవాలు- అర టీ స్పూను, కరివేపాకు- రెండు రెమ్మలు

తయారి : 
 ఒక పాత్రలో శనగపిండి, పచ్చిమిర్చి, కత్తిమీర, సోడా, పసుపు, ఉప్పు వేసి తగినంత నీరు పోసి పకోడీల పిండిలా కలుపుకోవాలి. బాణలిలో నూనె కాగాక ఈ మిశ్రమాన్ని పకోడీలలా వేసి వేయించి గోధుమరంగులోకి వచ్చాక తీసి పక్కన ఉంచాలి. ఒక పాత్రలో అల్లం వెల్లుల్లి పేస్ట్‌, పెరుగు వేసి బాగా కలపాలి. ఒక చిన్న గిన్నెలో రెండు కప్పుల నీరు, శనగపిండి వేసి ఉండలు లేకుండా బాగా కలిపి వడగట్టాలి. వేయించిన కొబ్బరితురుము, అల్లంవెల్లుల్లి పేస్ట్‌ జతచేసి కలిపి స్టౌ మీద ఉంచి మరిగించాలి. మంట తగ్గించి ఐదు నిముషాలు ఉంచితే పులుసు రెడీ అవుతుంది. బాణలిలో నూనె కాగాక ఆవాలు, జీలకర్ర వేసి వేయించాలి. పచ్చిమిర్చి జతచేసి ఒకసారి వేయించాక, మరిగిన పులుసులో వేయాలి. తయారుచేసి ఉంచుకున్న పకోడీల ను పులుసులో వేసి రెండు నిముషాలు ఉడికించి దించేయాలి.
Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి :
బీన్‌కర్డ్‌ - కప్పు (సూపర్‌ మార్కెట్‌లోదొరుకుతుంది), టొమాటో తరుగు- పావుకప్పు, లవంగం - 1, వెల్లుల్లి రెబ్బలు: 6, కార్న్‌ఫ్లోర్‌ - అర టేబుల్‌ స్పూను, పచ్చిబఠాణీ - పావు కప్పు (ఉడికించాలి), నూనె- 3 టేబుల్‌ స్పూన్లు
తయారి:
బీన్‌ కర్డ్‌ని అర అంగుళంముక్కలుగా కట్‌ చేయాలి. టొమాటోలను శుభ్రంగా కడిగి ఉడికించి, తొక్క తీసి ముక్కలుగా కట్‌ చే యాలి. బాణలిలో నూనె వేసి కాగాక టొమాటో ముక్కలు, ఉప్పు వేసి మెత్తబడే వరకు
ఉంచాలి. బీన్‌కర్డ్‌ ముక్కలు, వెల్లుల్లి తరుగు వే సి సన్నటి మంట మీద ఐదు నిమిషాలు ఉంచాలి. చిన్నగిన్నెలో

నీరు, కార్న్‌ఫ్లోర్‌ వేసి బాగా కలిపి టీ స్పూన్‌ నూనె వేసి, పై మిశ్రమంలో వేసి కలిపి ఐదు నిముషాలు ఉడికించి దింపేయాలి. బఠాణీలతో గార్నిష్‌ చేయాలి.
Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి : 
గోధుమలు- ఒకటిన్నర కప్పులు, మినప్పప్పు - ముప్పావు కప్పు, బఠాణీ- పావు కప్పు, క్యారట్‌ తురుము – పావు కప్పు, బీన్స్‌ తరుగు- పావు కప్పు, పెరుగు - అర కప్పు, కొత్తిమీర- కొద్దిగా, కరివేపాకు - రెండు రెమ్మలు, ఆవాలు- టీ స్పూను, మినప్పప్పు (బద్దలు) - 2 టీ స్పూన్లు, శనగపప్పు- 2 టీ స్పూన్లు, అల్లం - చిన్న ముక్క, పచ్చిమిర్చి తరుగు - రెండు టీ స్పూన్లు, ఉప్పు - తగినంత, నూనె - తగినంత
 తయారి: 
 గోధుమలను నీటిలో రెండు గంటలు నానబెట్టాలి.  మిన ప్పప్పును నీటిలో అర గంట నానబెట్టాలి.  గోధుమలను మరీ మెత్తగా కాకుండా రవ్వలా మిక్సీ పట్టాలి. మినప్పప్పును మెత్తగా మిక్సీ పట్టాలి. ఒక గిన్నెలో మిక్సీ పట్టిన మినప్పిండి, గోధుమరవ్వ, ఉప్పు వేసి బాగా కలిపి ఆరు గంటలపాటు నాననివ్వాలి. బాణలిలో నూనె కాగాక, ఆవాలు, మినప్పప్పు, శనగపప్పు, అల్లం తరుగు, పచ్చిమిర్చి తరుగు వేసి వేయించాలి ? క్యారట్‌ తురుము, బీన్స్‌ తరుగు వేసి ఐదారు నిముషాలు ఉంచి తీసేయాలి. నానబెట్టిన పిండిలో వీటిని కలిపి పెరుగు, కొత్తిమీర, కరివేపాకు వేసి బాగా కలపాలి. ఇడ్లీ రేకు లలో వేసి కుకర్‌లో ఉంచి విజిల్‌ లేకుండా ఉడికించాలి.


Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి : 
పెరుగు - అరలీటరు, అల్లం తురుము - పావు టీ స్పూను, పచ్చిమిర్చితరుగు - టీ స్పూను, కార్న్‌ఫ్లేక్స్‌ - పావుకప్పు, కరివేపాకు - రెండు రెమ్మలు, కొత్తి మీర- కొద్దిగా, క్రీమ్‌ - 3 టీ స్పూన్లు, ఉప్పు - తగినంత 
తయారి : 
మిక్సీలో అల్లం తురుము, పచ్చిమిర్చి వేసి పేస్ట్‌ చేయాలి. పెరుగు, ఉప్పు జత చేసి మరోమారు మిక్సీ పట్టాలి. ఫ్రిజ్‌లో రెండు గంటలసేపు ఉంచాలి. గ్లాసులో ఈ మిశ్రమాన్ని పోయాలి. వరుసగా కార్న్‌ఫ్లేక్స్‌, కరివేపాకు, కొత్తిమీర, క్రీమ్‌ లను పైన వేసి సర్వ్‌ చేయాలి.


Continue reading

at 0
E-Publishing Telugu Magazine. with Health, beauty, devotional, recipe making and Latest Movie updates
కావలసినవి :
మామిడికాయ ముక్కలు - కిలో; నువ్వులు - పావు కిలో, ఉప్పు - పావు కిలో; నువ్వుల పొడి - అర కిలో; అల్లం వెల్లుల్లి ముద్ద - పావు కిలో; ఆవ పొడి - 50 గ్రా., పసుపు - టీ స్పూను; జీలకర్ర పొడి - 25 గ్రా., మెంతి పొడి - టేబుల్‌ స్పూను; ఇంగువ - చిటికెడు; ఆవాలు, జీలకర్ర - ఒకటిన్నర టీస్పూన్లు

తయారీ :
మామిడికాయ ముక్కలు శుభ్రంగా తుడిచి పెట్టుకోవాలి. నువ్వులను దోరగా వేయించి మెత్తగా పొడి చేసుకోవాలి. ఒక గిన్నెలో నువ్వుల పొడి, ఉప్పు, జీలకర్ర పొడి, మెంతి పొడి, పసుపు, ఆవ పొడి వేసి బాగా కలపాలి. వేరే గిన్నెలో నువ్వుల నూనె వేడి చేసి ఇంగువ వేయాలి. ఇంగువ కరిగిన తర్వాత ఆవాలు, జీలకర్ర వేసి చిటపటలాడాక దించేయూలి. నూనె చల్లారి గోరు వెచ్చగా ఉన్నప్పుడు అల్లం వెల్లుల్లి ముద్ద వేసి కలపాలి (ఇలా చేయడం వల్ల అందులోని పచ్చివాసన పోయి కమ్మగా ఉంటుంది). పూర్తిగా చల్లారిన తర్వాత కలిపి ఉంచుకున్న పొడులు, మామిడి కాయ ముక్కలు వేసి బాగా కలపాలి. అన్నిముక్కలకూమసాలా పట్టిన తర్వాత శుభ్రమైన జాడీలోకి తీసుకుని మూత పెట్టాలి. మూడు నాలుగు రోజుల తర్వాత మరోసారి కలిపి వాడుకోవచ్చు. ఇందులో కారం వేయలేదు కాబట్టి పిల్లలు ఇష్టంగా తింటారు.
Continue reading
దీనికి సబ్‌స్క్రయిబ్ చేయి: కామెంట్‌లు (Atom)